ପରିବେଶ ଓ ଖଣି ସହ ଜଡ଼ିତ ଏକ ସଚେତନତା କାର୍ଯ୍ୟକ୍ରମ କୁଇଜରେ ଦେବ ଇଣ୍ଟର ନ୍ୟାସନାଲ ସ୍କୁଲ ର ଛାତ୍ରୀଙ୍କୁ ପ୍ରଥମ ପୁରସ୍କାର

ବ୍ୟାସନଗର;୧୫/୧୧(ବ୍ୟୁରୋ) : ୧୯୯୦ ମସିହାରୁ ଆୟୋଜିତ ହୋଇ ଆସୁଥିବା ପରିବେଶ ଓ ଖଣିସହ ଜଡ଼ିତ ସଚେତନତା ଭିତ୍ତିକ କାର୍ଯ୍ୟକ୍ରମରେ ଦେବ ଇଣ୍ଟର ନ୍ୟାସନାଲ ସ୍କୁଲ ର ସଫଳତା। ଟାଟା ଷ୍ଟିଲ ତରଫରୁ ଆୟୋଜିତ ପରିବେଶ ଓ ଖଣି ସହ ଜଡ଼ିତ ଏହି ସଚେତନତା କାର୍ଯ୍ୟକ୍ରମରେ କୁଇଜ୍ ପ୍ରତିଯୋଗିତାରେ ଦେବ ଇଣ୍ଟର ନ୍ୟାସନାଲ ସ୍କୁଲ ର ନବମ ଶ୍ରେଣୀର ଛାତ୍ରୀ ପ୍ରୀତି ପୁଣ୍ୟତୋୟା ବାରିକ ଓ ମିତାଲି ପ୍ରିୟଦର୍ଶିନୀ ଙ୍କୁ ପ୍ରଥମ ପୁରସ୍କାର ପ୍ରାପ୍ତ ହୋଇଛି।ଜିଲ୍ଲା ସ୍ତରୀୟ ଅନେକ ହାଇସ୍କୁଲ ର ଛାତ୍ର ଛାତ୍ରୀ ପ୍ରତିଯୋଗିତାରେ ଯୋଗ ଦେଇଥିବା ବେଳେ ଦେବ ଇଣ୍ଟର ନ୍ୟାସନାଲ ସ୍କୁଲ କୁ ପ୍ରଥମ ପୁରସ୍କାର ପ୍ରାପ୍ତ ହୋଇଥିବା ବେଳେ ଛାତ୍ର ଛାତ୍ରୀ ଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।ବିଦ୍ୟାଳୟର ବିଜ୍ଞାନ ଶିକ୍ଷକ ଶୁଭାଶିଷ ପତି ଓ ସାମାଜିକ ବିଜ୍ଞାନ ଶିକ୍ଷକ ବିଦ୍ୟାଧର ପରିଡା ଏହି କାର୍ଯ୍ୟକ୍ରମରେ ଯୋଗଦେଇଥିବା ବେଳେ ବିଦ୍ୟାଳୟର ଅଧ୍ୟକ୍ଷ ବୁଦ୍ଧଦେବ ରାଉତ, ପ୍ରଶାସନିକ ଅଧିକାରୀ ନିର୍ମଳ କୁମାର ରଣା,ଏକାଡେମୀକ କୋର୍ଡିନେଟର ସୋନିଆ ବେଦି ଓ ବଲବିର୍ ସିଂ ଛାତ୍ର ଛାତ୍ରୀ ଙ୍କ ଉଜ୍ବଳ ଭବିଷ୍ୟ କାମନା କରିଛନ୍ତି।

व्हाट्सप्प आइकान को दबा कर इस खबर को शेयर जरूर करें