ରାମଲାଲାଙ୍କ ପ୍ରାଣ ପ୍ରତିଷ୍ଠା ପାଇଁ ଛୁଟି ଘୋଷଣା କଲେ କେନ୍ଦ୍ର ସରକାର ଓ ରାଜ୍ୟ ସରକାର

Bureau Report 18/01/2024

54 1 minute read

ନୂଆଦିଲ୍ଲୀ/ଭୁବନେଶ୍ୱର;୧୮/୦୧(ବ୍ୟୁରୋ):ବିଭିନ୍ନ ରାଜ୍ୟର ଦାବିକୁ ନେଇ କେନ୍ଦ୍ର ସରକାର ଚିନ୍ତା କରିବା ପରେ ‘ଜାନୁଆରୀ ୨୨’ ଅଧା ଦିନ ଛୁଟି ଘୋଷଣା କରିଛନ୍ତି । ଅର୍ଥାତ୍‌ ୨୨ ଜାନୁଆରୀ ଅପରାହ୍ଣ ୨ଟା ୩୦ ଯାଏଁ ଛୁଟି ଘୋଷଣା କରାଯାଇଛି ।ସାରା ଦେଶରେ ଅଧା ଦିନ ପାଇଁ କେନ୍ଦ୍ର ସରକାର ଛୁଟି ଘୋଷଣା କରାଯାଇଛି । ପୂର୍ବରୁ ରାମଲାଲାଙ୍କ ପ୍ରାଣ ପ୍ରତିଷ୍ଠା ଦିନ ସରକାରୀ ଛୁଟି ଘୋଷଣା କରିବାକୁ ଦାବି ହୋଇଆସୁଥିଲା । କିଛି ରାଜ୍ୟ କେନ୍ଦ୍ର ସରକାରଙ୍କ ନିକଟରେ ଦାବି ରଖିଥିଲେ ।ଏହି ମହତ୍ ହିନ୍ଦୁ ସମାରୋହକୁ ଆଗେଇ ନେବା ପାଇଁ କିଛି ରାଜ୍ୟ ଆସନ୍ତା ଜାନୁଆରୀ ୨୨କୁ ଛୁଟି ଘୋଷଣା କରିଛନ୍ତି । ଉତ୍ତରପ୍ରଦେଶ,ଓଡ଼ିଶା, ମଧ୍ୟପ୍ରଦେଶ, ଗୋଆ, ଛତିଶଗଡ଼ ଏବଂ ହରିୟାଣାରେ ଛୁଟି ଘୋଷଣା ହୋଇଛି । ଏହି ରାଜ୍ୟ ଗୁଡ଼ିକର ରାଜ୍ୟ ସରକାର ଛୁଡ଼ି ଘୋଷଣା କରିସାରିଛନ୍ତି । ଆଉ ବର୍ତ୍ତମାନ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଉତ୍ସବ ପାଇଁ ସାରା ଦେଶରେ ଅଧା ଛୁଟି ଘୋଷଣା କରିଛନ୍ତି କେନ୍ଦ୍ର ସରକାର ।
ତେବେ କେଉଁ ରାଜ୍ୟ ଗୁଡ଼ିକ ପୂର୍ବରୁ ଛୁଟି ଘୋଷଣା କରିସାରିଛନ୍ତି ଜାଣନ୍ତୁ…
ଉତ୍ତରପ୍ରଦେଶ
ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶ କ୍ରମରେ ଜାନୁଆରୀ ୨୨ କୁ ଛୁଟି ଘୋଷଣା କରାଯାଇଛି । ପ୍ରାଣ ପ୍ରତିଷ୍ଠା ସମାରୋହରେ ଜନ ଭାବାବେଗକୁ ନଜରରେ ରଖି ଛୁଟି ଘୋଷଣା କରିଛନ୍ତି ରାଜ୍ୟ ସରକାର । ଏହି ଦିନ ଉତ୍ତରପ୍ରଦେଶର ଶିକ୍ଷାନୁଷ୍ଠାନଗୁଡ଼ିକ ବନ୍ଦ ରହିବ । ଏହାସହ ସେହି ଦିନ ସାରା ରାଜ୍ୟରେ ମଦ ଦୋକାନଗୁଡ଼ିକ ମଧ୍ୟ ବନ୍ଦ ରହିବ ।
ମଧ୍ୟପ୍ରଦେଶ
ମଧ୍ୟପ୍ରଦେଶରେ ମଧ୍ୟ ଜାନୁଆରୀ ୨୨ କୁ ଛୁଟି ଘୋଷଣା କରିଛନ୍ତି ରାଜ୍ୟ ସରକାର । ମୁଖ୍ୟମନ୍ତ୍ରୀ ମୋହନ ଯାଦବ ଏନେଇ ଘୋଷଣା କରିଛନ୍ତି । ଛୁଟି ସହ ଏହି ଦିନ ରାଜ୍ୟରେ ମଦ ଦୋକାନ ସହ ଭାଙ୍ଗ ତଥା ବିଭିନ୍ନ ନିଶା ଦୋକାନ ମଧ୍ୟ ବନ୍ଦ ରହିବ । ମୁଖ୍ୟମନ୍ତ୍ରୀ କହିଛନ୍ତି ଯେ, ଜନସାଧାରଣଙ୍କ ଭାବନାକୁ ଦୃଷ୍ଟିରେ ରଖି ଜାନୁଆରୀ ୨୨ ରାଜ୍ୟରେ ସମସ୍ତ ମଲ୍, ଦୋକାନ ଓ ମଦ ତଥା ନିଶା ଦୋକାନ ବନ୍ଦ ରଖିବାକୁ ନିଷ୍ପତ୍ତି ନିଆ ଯାଇଛି । ଏନେଇ ମୁଖ୍ୟମନ୍ତ୍ରୀ X ରେ ପୋଷ୍ଟ କରିଛନ୍ତି ।
ଗୋଆ
ରାମଲାଲାଙ୍କ ପ୍ରାଣ ପ୍ରତିଷ୍ଠା ପାଇଁ ଗୋଆରେ ମଧ୍ୟ ଛୁଟି ଘୋଷଣା ହୋଇଛି । ଗୋଆ ସରକାର ସରକାରୀ କର୍ମଚାରୀ ଓ ବିଦ୍ୟାଳୟମାନଙ୍କ ପାଇଁ ଆସନ୍ତା ୨୨କୁ ଛୁଟି ଘୋଷଣା କରିଛନ୍ତି । ଏନେଇ ପ୍ରଥମେ କ୍ୟାବିନେଟ ବୈଠକରେ ନିଷ୍ପତ୍ତି ନିଆଯାଇଥିଲା । ପରେ ଏକ ସାମ୍ବାଦିକ ସମ୍ମିଳନୀରେ ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ କହିଛନ୍ତି ଯେ, କେବଳ ସ୍କୁଲ ସହ ସରକାରୀ କର୍ମଚାରୀଙ୍କ ପାଇଁ ଜାନୁଆରୀ ୨୨ ତାରିଖ ଛୁଟି ରହିବ ।
ଛତିଶଗଡ
ଛତିଶଗଡ ସରକାର ମଧ୍ୟ ଆସନ୍ତା ୨୨ ତାରିଖ ପାଇଁ ରାଜ୍ୟର ସମସ୍ତ ସରକାରୀ ବିଦ୍ୟାଳୟ ଓ ମହାବିଦ୍ୟାଳୟକୁ ଛୁଟି ଘୋଷଣା କରିଛନ୍ତି । ଏହି ଅବସରରେ ଅଯୋଧ୍ୟାରେ ହେବାକୁ ରାମଲାଲାଙ୍କ ପ୍ରାଣ ପ୍ରତିଷ୍ଠାରେ ଯୋଗ ଦେବାକୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ । ସୋସିଆଲ ମିଡ଼ିଆ X ରେ ମୁଖ୍ୟମନ୍ତ୍ରୀ ବିଷ୍ଣୁ ଦେଓ ସାଇ ଏନେଇ ଘୋଷଣା କରିଛନ୍ତି। ସମଗ୍ର ବିଶ୍ୱ ସୀତାରାମଙ୍କୁ ଜାଣିଛନ୍ତି । ତାଙ୍କର ପ୍ରାଣ ପ୍ରତିଷ୍ଠା ପାଇଁ ଜାନୁଆରୀ ୨୨ ରେ ରାଜ୍ୟର ସମସ୍ତ ସରକାରୀ ତଥା ଅଣ-ସରକାରୀ ବିଦ୍ୟାଳୟ ଓ ମହାବିଦ୍ୟାଳୟ ଛୁଟି ରହିବ ବୋଲି ସେ ଲେଖିଛନ୍ତି ।
ଓଡ଼ିଶା
ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାମଲାଲାଙ୍କ ପ୍ରାଣ ପ୍ରତିଷ୍ଠା ପାଇଁ ଜାନୁଆରୀ ୨୨ ତାରିଖ ଛୁଟି ଘୋଷଣା କରିଛନ୍ତି।