ଝାଡେଶ୍ୱର ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଶ୍ଵ ଓଡ଼ିଆ ଭାଷା ସମ୍ମିଳନୀ ତରଫରୁ ଆୟୋଜିତ ଆଲୋଚନା ଚକ୍ର ଉଦଯାପିତ 

ଯାଜପୁର;୦୪/୦୨(ନି ପ୍ର): ଯାଜପୁର ଜିଲ୍ଲା ଦାନଗଦୀ ବ୍ଲକ ଅନ୍ତର୍ଗତ ଟୋଲକାନୀ ସ୍ଥିତ ଝାଡେଶ୍ୱର ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଶ୍ଵ ଓଡ଼ିଆ ଭାଷା ସମ୍ମିଳନୀ ତରଫରୁ ଦୁଇଦିନ ଧରି ଆୟୋଜିତ ଆଲୋଚନା ଚକ୍ର ଓ ଉଦଯାପିତ ହୋଇଯାଇଅଛି । ୩୧ତାରିଖ ଆଲୋଚନା ଚକ୍ରରେ ଶୀର୍ଷକ “ଓଡିଆ କଳା ଓ ସଂସ୍କୃତି ରେ ଶ୍ରୀ ଜଗନ୍ନାଥ” ଓ ୦୧ ଫେବୃଆରୀ ଆଲୋଚନା ଚକ୍ରର ଶୀର୍ଷକ “ଓଡ଼ିଆ ସାହିତ୍ୟରେ ଶ୍ରୀ ଜଗନ୍ନାଥ ଚେତନା” ଉପରେ ଆଲୋଚନା କରଯାଇଥିଲା। କଲେଜର ଅଧ୍ୟକ୍ଷ ଡ. ଯୁଗଳ କିଶୋର ସଭାପତିତ୍ବ କରି କାର୍ଯ୍ୟକ୍ରମକୁ ଆରମ୍ଭ କରିଥିଲେ । ପ୍ରଥମ ଦିନ ମୁଖ୍ୟ ବକ୍ତା ଭାବରେ ପ୍ରଫେସର ଉମାକାନ୍ତ ନାୟକ , ମୁଖ୍ୟ ଅତିଥି ଭାବରେ ପ୍ରଫେସର ଦେବେନ୍ଦ୍ରନାଥ ପୁହାଣ , ନୋଡାଲ ଅଫିସର ଗୋବର୍ଦ୍ଧନ ସାହୁ, ପରିଚାଳକ କାର୍ଯ୍ୟରେ ଅଧ୍ୟାପକ ରଞ୍ଜନ କୁମାର ଖଣ୍ଡା ଯୋଗଦେଇଥିଲେ। ଏଥିରେ ଅତିଥି ପରିଚୟ ଅଧ୍ୟାପକ ଡ. କ୍ଷୀରୋଦ ଚନ୍ଦ୍ର ବେହେରା ଓ ଧନ୍ୟବାଦ ଅର୍ପଣରେ ଅଧ୍ୟାପିକା ଇତିଶ୍ରୀ ମଲ୍ଲିକ ଦେଇ ପ୍ରଥମ ଦିନଟିକୁ ଉତ୍ସବ ମୁଖର କରିଥଲେ।
ଦ୍ୱିତୀୟ ଦିନରେ ଓଡ଼ିଆ ସାହିତ୍ୟରେ ଶ୍ରୀ ଜଗନ୍ନାଥ ଚେତନା’ ଶୀର୍ଷକ ଆଲଚନାଚକ୍ର ଆୟୋଜିତ ହୋଇଥିଲା। ଏଥିରେ କଲେଜ ର ଅଧ୍ୟକ୍ଷ ଡ ଯୁଗଳ କିଶୋର ହୋତା ସଭାପତିତ୍ବ କରିଥିଲେ। ମୁଖ୍ୟ ବକ୍ତା ଭାବେ ରେଭେନ୍ସା ବିଶ୍ବବିଦ୍ୟାଳୟର ଓଡ଼ିଆ ପ୍ରଧ୍ୟାପିକା ଡ ବିଜୟ ଲକ୍ଷ୍ମୀ ଦାଶ, ମୁଖ୍ୟ ଅତିଥି ଭାବରେ ପ୍ରଫେସର ଶିବ ଚରଣ ମାଝୀ , ଅତିଥି ପରିଚୟ ଅଧ୍ୟାପକ ରଂଜନ କୁମାର ଖଣ୍ଡା,ଓ ଧନ୍ୟବାଦ ଅର୍ପଣ ରେ ଡ. ଅକ୍ଷୟ କୁମାର ପଣ୍ଡା ଦେଇଥିଲେ ଏବଂ ଶେଷରେ ପିଲାମାନଙ୍କୁ ପୁରସ୍କାର ବିତରଣ କରାଯାଇଥିଲା। ଆନୁଷ୍ଠାନିକ ଢଙ୍ଗରେ ଶେଷରେ ଉଦଯାପନ କରାଯାଇଥିଲା। ଏଥିରେ କଲେଜର ସମସ୍ତ ଶିକ୍ଷକ ଓ ଅଣ କର୍ମଚାରୀ ସହଯୋଗ କରି ସଭାକର୍ଯ୍ୟକୁ ସଫଳ କରିଥିଲେ।

व्हाट्सप्प आइकान को दबा कर इस खबर को शेयर जरूर करें