ଛାତ୍ରଛାତ୍ରୀଙ୍କୁ ମିଳିବ ‘ନବୀନ ଓଡିଶା ମ୍ୟାଜିକ୍ କାର୍ଡ

ଭୁବନେଶ୍ୱର, ୨୭/୦୨(ଜ୍ୟୋତି ରଞ୍ଜନ ଙ୍କ ଠାରୁ):
ନଵୀନ ଓଡିଶା ମ୍ୟାଜିକ କାର୍ଡ ଏକ ପଏଣ୍ଟ୍ ସିଷ୍ଟମ୍ ଆଧାରିତ ସ୍ମାର୍ଟ କାର୍ଡ । ରାଜ୍ୟର ଛାତ୍ରଛାତ୍ରୀଙ୍କୁ ମିଳିବ ‘ନବୀନ ଓଡିଶା ମ୍ୟାଜିକ୍ କାର୍ଡ’ । ଏହି କାର୍ଡ ପାଇଁ ଆସନ୍ତା ମାର୍ଚ୍ଚ ୫ରୁ ଅନଲାଇନ୍ ରେଜିଷ୍ଟ୍ରେସନ୍ ଆରମ୍ଭ ହେବାକୁ ଥିବାବେଳେ, ଅଗଷ୍ଟ ୧୫ ତାରିଖରୁ ଛାତ୍ରଛାତ୍ରୀଙ୍କୁ ଏହି କାର୍ଡ ବଣ୍ଟାଯିବ ବୋଲି ସୂଚନା ମିଳିଛି । ଏହା ରାଜ୍ୟର ଯୁବକମାନଙ୍କୁ ଆକର୍ଷିତ କରିବା ସହିତ ସଶକ୍ତ କରିବ ବୋଲି କୁହାଯାଉଛି । ଛାତ୍ରଛାତ୍ରୀଙ୍କ ବିଭିନ୍ନ କାର୍ୟ୍ୟକଳାପ ଜରିଆରେ ଅର୍ଜନ କରିଥିବା ପଏଣ୍ଟକୁ ଆଧାର କରି ଏହି କାର୍ଡ ସିଲଭର, ଗୋଲ୍ଡ ଏବଂ ପ୍ଲାଟିନମ୍ ସ୍ତରକୁ ଉନ୍ନୀତ ହେବ । ଉପସ୍ଥାନ, ଅନୁଶାସନ, ଏକାଡେମିକ୍ ପ୍ରଦର୍ଶନ, ବହିର୍ଭୂତ କାର୍ୟ୍ୟକଳାପରେ ଅଂଶଗ୍ରହଣ, କ୍ରୀଡା, ଅନଲାଇନ୍ ପାଠ୍ୟକ୍ରମ, ବ୍ୟକ୍ତିତ୍ୱ ବିକାଶ ପାଠ୍ୟକ୍ରମ ଇତ୍ୟାଦିରେ କାର୍ୟ୍ୟଦକ୍ଷତା ଉପରେ ଆଧାର କରି କାର୍ଡ ବଣ୍ଟନ କରାଯିବ ଏବଂ ନବୀକରଣ କରାଯିବ ବୋଲି କୁହାଯାଇଛି । ଏହି କାର୍ଡ ସାହାଯ୍ୟରେ ଛାତ୍ରଛାତ୍ରୀମାନେ ବିଭିନ୍ନ ସୁବିଧା ଯେପରିକି ବସ୍ ,ଟ୍ରେନ୍ ଓ ବିମାନରେ ରିହାତି ପାଇପାରିବେ । ଏହାସହ ଫୋନ୍, ଡାଟା ରିଚାର୍ଜ ଏବଂ ୱାଇ-ଫାଇ ବ୍ୟବହାର କରିପାରିବେ । ଇ-ଲାଇବ୍ରେରୀ, ଅନଲାଇନ୍ ପାଠ୍ୟକ୍ରମ, ବ୍ୟକ୍ତିତ୍ୱ ବିକାଶ ପାଠ୍ୟକ୍ରମ ଏବଂ କର୍ମଶାଳା, କୋଚିଂ ସେଣ୍ଟର ଏବଂ ଟ୍ୟୁସନ କ୍ଲାସ୍, ଦକ୍ଷତା ବିକାଶ ପାଠ୍ୟକ୍ରମ, ବୃତ୍ତି ପରାମର୍ଶ, ଓଡିଆ ଏବଂ ଇଂରାଜୀ ସହିତ ଭାଷା ପାଠ୍ୟକ୍ରମର ସୁବିଧା ପାଇପାରିବେ ।

व्हाट्सप्प आइकान को दबा कर इस खबर को शेयर जरूर करें